Tónlistarmaðurinn Ed Sheeran greindi frá því í viðtali að hann hafi látið útbúa krá á heimili sínu í London. Kappinn virðist stórtækur, því til þess að komast inn á krána þarf að fara í gegnum neðanjarðargöng.
„Ég er búinn að byggja krá. Áður fyrr var ég með bar, þar sem hægt var að fá sér bjór. Núna er ég þó með úrval af bjór, sem er frábært,“ sagði Sheeran í útvarpsviðtali.
„Til þess að komast á krána þarf að fara í gegnum neðanjarðargöng, sem síðan er hægt að loka af. Ef ég held partý fara allir á krána og enginn kemst inn í húsið. Með því móti er enginn að róta í skápunum hjá mér, eða brjóta hluti.“
Frétt Mirror