Splæsti í fimm milljóna króna hlaupabretti

Geðvondi stjörnukokkurinn Gordon Ramsay ætlar heldur betur að taka heilsuna föstum tökum, en hann slasaðist á síðasta ári.

Ramsay hefur fest kaup á sérútbúnu „þyngdarleysis“-hlaupabretti, en samkvæmt frétt Daily Mail kostar apparatið í kringum 36 þúsund pund, eða fimm milljónir íslenskra króna.

Hlaupabrettið notast við tækni sem NASA þróaði, en margir íþróttamenn eru sagðir nýta sér það.

„Það er komið nýtt ár og tími til kominn að jafna sig fyrir 2017,“ skrifaði kappinn við færslu sem birtist á Instagram.

Ramsay slasaðist á fæti síðasta sumar.

• Blogga um frétt