Kominn er titill á næstu myndina í Star Wars-kvikmyndabálkinum vinsæla. Myndin nefnist Star Wars: The Last Jedi og verður sú áttunda í röðinni.
Rian Johnson leikstýrir myndinni, sem er væntanleg í bíó 15. desember næstkomandi.
Hún gerist að loknum þeim atburðum sem áttu sér stað í The Force Awakens sem kom út árið 2015 við gríðarlegar vinsældir.
Hliðarmyndin Rogue One: A Star Wars Story kom út í lok síðasta árs og naut einnig mikilla vinsælda. Tekjur hennar nema yfir einum milljarði dala í kvikmyndahúsum um heim allan.