Game of Thrones-stjörnurnar mættar

Leikarahópur sem fer með hlutverk í Game of Thrones er mættur til landsins, en tökur á sjöundu þáttaröð eru hafnar.

Fjöldi leikara hefur sést á landinu undanfarið og má þar nefna skoska leikarann Iain Glen sem fer með hlutverk Jorah Mormont, Kit Harington sem leikur Jon Snow og Joe Dempsie sem fer með hlutverk Gendry og sást síðast í þriðju þáttaröð.

Samkvæmt frétt Ecunews eru Liam Cunningham, sem fer með hlutverk Davos Seaworth, og Kristofer Hivju, sem leikur Tormund Giantsbane, einnig á landinu. Þá er Rory McCann, sem fer með hlutverk The Hound, einnig sagður hafa sést á Íslandi.

Samkvæmt frétt Ecunews munu tökur meðal annars fara fram á Reynisfjöru, en líklegt þykir að þar verði teknar upp senur þar sem Jon Snow og bandamenn hans rekast á hina ógnvænlegu hvítu uppvakninga.

Áætlað er að sjöunda þáttaröðin af Game of Thrones fari í loftið í sumar.

Kit Harington í hlutverki sínu sem Jon Snow. Stilla úr Game of Thrones

• Blogga um frétt