Fransk-pólski kvikmyndaleikstjórinn Roman Polanski hefur sagt sig úr dómnefnd frönsku kvikmyndaverðlaunanna César.
Polanski var skipaður forseti dómnefndar í síðustu viku en í kjölfarið braust út mikil óánægja meðal kvenréttindahópa sem sögðust ætla að sniðganga sjónvarpsútsendingu af hátíðinni.
Frétt mbl.is: Undrast val á Polanski
Í tæp 40 ár hefur Polanski verið eftirlýstur í Bandaríkjunum fyrir að nauðga 13 ára gamalli stúlku.
BBC hefur eftir Herve Temime, lögfræðingi Polanski, að ágreiningurinn hafa haft mikil áhrif á skjólstæðing sinn og fjölskyldu hans.
„Þrátt fyrir það og til að trufla ekki César-athöfnina, sem ætti að snúast um kvikmyndir og ekki um skipan í stöðu forseta [viðburðarins], hefur Roman Polanski ákveðið að þiggja ekki boðið og mun hann því ekki stýra César-athöfninni.“