Skarphéðinn Guðmundsson, dagskrárstjóri sjónvarps hjá RÚV, bendir á að bakland keppninnar sé afar traust, í samtali við RÚV. Segir hann að forsvarsmenn keppninnar séu eflaust farnir að skoða málið alvarlega og meta hvort þörf sé á einhvers konar inngripi.
„Hvort aðstoða eigi beint við undirbúning og skipulagningu keppninnar í Kænugarði eða hvort nauðsynlegt verði að færa hana. Sem fyrr segir munum við fylgjast grannt með næstu skrefum og verðum í sambandi við forsvarsmenn keppninnar til að kalla eftir frekari upplýsingum um stöðuna sem upp er komin,“ er haft eftir Skarphéðni.