Eins og mbl.is greindi frá fyrr í dag er und­ir­bún­ing­ur Eurovisi­on-söngv­akeppn­inn­ar, sem halda á í Úkraínu í maí, nú í tölu­verðu upp­námi eft­ir að 21 af þeim sem vinna að und­ir­bún­ingi keppn­inn­ar hættu störfum.

Frétt af mbl.is

Eurovision í uppnámi vegna hópuppsagnar

Úkraínska und­ir­bún­ingsteymið seg­ist ekki hafa getað tekið nein­ar ákv­arðanir frá því að nýr sam­hæf­ing­ar­stjóri var ráðinn til starfa í des­em­ber.

Í upp­sagn­ar­bréfi sínu segja starfs­menn­irn­ir að þeir hafi verið „full­kom­lega hindraðir“ í því að taka nokkr­ar ákv­arðanir varðandi söngv­akeppn­ina.

Frétta­vef­ur BBC seg­ir sam­tök evr­ópskra sjón­varps­stöðva, EBU, hafa sagt úkraínska rík­is­sjón­varp­inu að það verði að halda áætl­un þrátt fyr­ir upp­námið. Eurovisi­on-keppn­in verði hald­in 13. maí líkt og fyrri áætlan­ir gerðu ráð fyr­ir.