Lið Mosfellsbæjar sigraði lið Hornafjarðar í Útsvari í kvöld, en við lok leiks hafði Mosfellsbær 76 stig gegn 36 Hornafjarðar.
Mosfellsbær er því áttunda og síðasta sveitarfélagið til að tryggja sér sæti í átta liða úrslitum spurningakeppninnar, að því er fram kemur á vef RÚV.
Áður voru Fjarðabyggð, Ölfus, Akranes, Kópavogur, Vestmannaeyjar, Hafnarfjörður og Grindavík búin að komast áfram í úrslit. Mosfellsbær og Grindavík eigast svo við í átta liða úrslitum í lok apríl.