George og Amal Clooney hafa ákveðið að draga úr ferðalögum meðan á meðgöngunni stendur, en Amal gengur með tvíbura.
„Við ákváðum að fara varlega til þess að forðast hættur,“ sagði Clooney í viðtali við Paris Match.
„Ég mun ekki lengur fara til Suður-Súdan, eða Kongó. Amal mun ekki ferðast til Íraks, eða heimsækja staði þar sem hún veit að hún er ekki velkomin.“
Amal er mannréttindalögmaður og hefur unnið út um víða veröld. Clooney hefur hinsvegar sinnt mannúðarstörfum í Suður-Súdan.
Tvíburarnir eru fyrstu börn þeirra hjóna, en ekki hefur verið greint frá því hvenær von er á þeim í heiminn.