Beyoncé setti netið á hliðina á dögunum þegar hún tilkynnti að hún ætti von á tvíburum. Söngkonan og eiginmaður hennar, rapparinn Jay Z, eru himinlifandi með krílin en þau eru bæði sögð vilja eiga stóra fjölskyldu.
„Jay og Beyoncé eru á frábærum stað, þau hafa eytt meiri tíma saman undanfarið ár og samband þeirra er afar gott,“ segir ónefndur heimildamaður í samtali við E!.
„Þau hafa alltaf viljað stóra fjölskyldu, þannig að þegar þau fengu fréttirnar um að þau ættu von á tvíburum voru þau himinlifandi. Þau hafa verið að reyna að eignast barn í nokkurn tíma, svo að tvíburarnir eru sannkölluð guðsgjöf.“
Þá er einnig greint frá því að fimm ára dóttir hjónanna, Blue Ivy, sé yfir sig spennt.
„Blue hefur gaman af því að snerta magann á Beyoncé, og virðist hlakka til að verða stóra systir.“