Það hefur vart farið fram hjá heimsbyggðinni að stjörnuhjónin Kim Kardashian og Kanye West hafa gengið í gegnum ýmislegt síðustu mánuði.
Kardashian var rænd á síðasta ári og skömmu síðar var West lagður inn á sjúkrahús sökum andlegra veikinda.
Samkvæmt frétt Mirror eru hjónakornin að vinna í sambandinu, enda hafa atburðirnir reynt töluvert á þolrifin.
„Þau eru í góðum gír, en þau hafa verið að vinna talsvert í sjálfum sér undanfarið. Eitt af því sem þau eru að reyna að gera er að ferðast meira saman, bæði sér til skemmtunar og eins þegar þau þurfa að vinna. Planið er að gera fleiri hluti í sameiningu og ferðast meira í framtíðinni.“