Lukkan var ekki með þeim Beckham-feðgum, David og Brooklyn, þegar Beckham-fjölskyldan fór nýverið í skíðaferðalag til Kanada. David braut tönn þegar hann datt á snjóbretti aðeins nokkrum dögum eftir að sonurinn Broooklyn datt og braut viðbein.
Fótboltamaðurinn fyrrverandi var að prófa snjóbretti í fyrsta skipti enda var slíkt bannað þegar hann lék sem atvinnumaður.
„David er hetja og gerði lítið úr atvikinu,“ sagði heimildarmaður The Sun. „Það er óþarfi að hafa áhyggjur af að útlitið, sem hann hefur grætt svo mikið á, sé ekki enn til staðar. En við höfðum áhyggjur.“