Vilhjálmur Bretaprins og eiginkona hans Katrín fara í opinberar heimsóknir til Þýskalands og Póllands í júlí. Kensington-höll greindi frá þessu í dag. Vilhjálmur og Katrín hafa upp á síðkastið þurft að bæta í formlegar skyldur sínar vegna hækkandi aldurs Elísabetar Englandsdrottningar en hún verður 91 árs í apríl.

Vilhjálmur, sem er annar í röðinni að krúnunni á eftir föður sínum Karli prinsi hættir fljótlega starfi sínu sem þyrluflugmaður til þess að einbeita sér frekar að konunglegum störfum. Hjónin hafa verið að fara í opinberar heimsóknir í staðinn fyrir drottninguna og er til að mynda áætluð heimsókn til Parísar seinna í þessum mánuði.

Elísabet Englandsdrottning fór síðast til Þýskalands í opinberum erindagjörðum í júní 2015. Þá heimsóttu hún og maður hennar Filippus prins Bergen-Belsen útrýmingarbúðirnar í tilefni þess að 70 ár voru liðin síðan breskir hermenn frelsuðu fanga búðanna.

Tengdar fréttir

Kóngafólk í fjölmiðlum

Þráir að hitta barnabörnin sín

• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi
• Kápa Meghan kostaði yfir hálfa milljón

» Fleiri tengdar fréttir

• Blogga um frétt