Þjófur skildi eftir skilaboð og peninga

Þjófur í Bandaríkjunum skildi eftir bæði skilaboð og fimm dollara þegar hann stal óróa frá Chrissy Marie í Washington. Nú hefur Marie auglýst eftir þjófnum og vill tala við hann, hún vill ekki refsa honum.

Á miðanum sem þjófurinn skildi eftir stóð: „Mér þykir það leitt að hafa stolið óróanum. Mamma okkar dó og hún elskaði fiðrildi þannig að systir mín tók óróan og setti hann í gluggann okkar. Því miður er þetta eini peningurinn sem ég á, ekki vera reið við okkur – Jake.“

Marie vill endilega finna strákinn og gefa honum gjöf og peninginn til baka. Marie segist skilja krakkana en hún missti einnig mömmu sína þegar hún var lítil stelpa.

Þjófurinn skildi eftir pening. mbl.is/Thinkstockphotos

• 1 blogg um fréttina

Bloggað um fréttina

• Jens Guð: Samviskusamur þjófur