Prins Ferskjublóm er sex mánaða gamall krúttlegur kettlingur. Samkvæmt The Dodo fannst eiganda Prins Ferskjublóms hann eiga skilið eitthvað fallegt fyrir að vera svona æðislegur.
Eigandinn, Frances Ratner, flutti nýverið í nýtt hús og átti þar af leiðandi fullt af tómum pappakössum. Á einum leiðinlegum rigningardegi ákvað hann að byggja höll handa Prins Ferskjublómi.
„Það eru fjórar hæðir og átta herbergi og allt er tengt saman með göngum og rennibrautum. Hann getur farið inn í öll herbergin, hann getur farið inn um framdyrnar og komist alla leið ofan í kjallara með því að fara göngin,“ segir Ratner.