Spjallþáttadrottningin Ellen DeGeneres lenti í því óhappi í vikunni að detta á leiðinni inn um dyrnar heima hjá sér. Með fallinu braut hún baugfingur og þurfti hún að fara á spítala.
Hún kom fram í þættinum sínum Ellen og sýndi áhorfendum fingurinn og umbúðirnar. Hún gerði grín af því að hún hafi ekki meitt sig í flókinni fimleikaæfingu heldur hafi hún verið á leiðinni heim eftir matarboð með konunni sinni, leikkonunni Portiu de Rossi
Ellen DeGeneres féll í tröppunum sem lágu að útidyrahurðinni heima hjá henni. Hún tók það fram að hún hafi einungis drukkið tvö vínglös í boðinu.