Leikarahjónin fyrrverandi Angelina Jolie og Brad Pitt reyna eftir bestu getu að forðast hvort annað. Brad Pitt er þó sagður vera að reyna fá Jolie til að halda sameiginlega upp á 11 ára afmæli dóttur þeirra, Shiloh.
„Hann er að vona að Angie samþykki þetta og þau geti lagt ágreining sinn til hliðar í einn dag fyrir dóttur sína. Brad veit hversu mikils virði það væri fyrir Shiloh að fjölskyldan væri saman á 11 ára afmælinu,“ sagði heimildarmaður Hollywood Life.
Það sem vekur athygli er að Shiloh á ekki afmæli fyrr en 27. maí, það er því ljóst að Pitt gerir sér grein fyrir að það á eftir að taka tíma fyrir Jolie að samþykkja þetta.