SKAM hátíð hefst í Norræna húsinu í næstu viku. Viðburðinn skipuleggur kosegruppa Norræna hússins.
Aðdáendur að SKAM vita eflaust að Vilde var formaður kosegrúbbunnar í skólanum í þáttunum og hafa 16 aðdáendur þáttanna á aldrinum 14 til 17 ára starfað í einni slíkri nú í vetur í Norræna húsinu.
Hópurinn hefur skipulagt kvöldstund fimmtudaginn 30. mars með myndbrotum úr SKAM þáttunum. Einnig verður boðið upp á spurningarleik og diskóteki með Dj Sunnu Ben en hún mun leika tónlist úr þáttunum.
Helgina 1.-2. apríl býður Norræna húsið upp á SKAM-maraþon á stóra skjánum í Aðalsal hússins í notalegu umhverfi og með ókeypis aðgangi.