Sonur breska tónlistarfólksins Liam Payne og Cheryl Cole er kominn í heiminn. Payne birti mynd af drengnum á Instagram fyrr í kvöld og sagðist vera orðlaus yfir syni sínum en hann fæddist á miðvikudaginn.
„Þetta er augnablik sem ég mun muna það sem eftir er ævi minnar og mín besta minning hingað til,“ skrifar Payne á Instagram. Þar segist hann jafnframt vera „agndofa“ yfir barnsmóður sinni og hvernig hún hafi látið „drauma hans rætast“.
Parið hefur verið saman í rúm tvö ár eða síðan í febrúar 2015. Tíu ára aldursmunur er á þeim en þau kynntust fyrst þegar Payne var aðeins 14 ára gamall og mætti í áheyrnarprufu fyrir The X Factor árið 2008 þar sem Cole var dómari. Payne mætti aftur í prufur árið 2010 sem leiddi til stofnunar hljómsveitarinnar One Direction.
Þetta er fyrsta barn þeirra beggja en Cole er 33 ára og Payne 23 ára.
A post shared by Liam Payne (@liampayne) on Mar 25, 2017 at 1:25pm PDT