Breska leikkonan Emma Thompson greindi frá því í sænskum spjallþætti að Donald Trump hafi boðið sér að gista í íbúð í sinni eigu og snæða með sér kvöldmat.
Árið 1998 var Thompson við tökur á myndinni Primary Colors þegar síminn hringdi. „Hæ þetta er Donald Trump,“ sagði Trump þegar Thompson svaraði í símann. „Ég var að velta því fyrir mér hvort ég gæti boðið þér að gista í einum af Trump-turnunum, þeir eru mjög þægilegir,“ sagði Trump við Thompson og bætti því við að þau gætu fengið sér kvöldmat saman.
Á þessum tíma voru bæði Donald Trump og Emma Thompson nýskilin og segja má að mögulega hafi Emma Thompson misst af því að verða forsetafrú Bandaríkjanna, en hún þáði ekki boðið.