Algjör pattstaða hefur myndast þegar það kemur að þátttöku Rússa í Eurovision í ár. Bæði Rússar og Úkraínumenn hafa hafnað hugmyndum EBU, sam­bandi evr­ópskra sjón­varps­stöðva, um að leyfa söngkonunni Yuliu Samoilova, fulltrúa Rússa, að flytja lag sitt í gegnum gervihnattaútsendingu.

Á vef rússnesku ríkisfréttastofunnar TASS er því haldið fram að EBU ætli að gera hvað sem það geti til þess að tryggja þátttöku Rússa í keppninni sem fram fer í Kænugarði í maí. Úkraínska leyniþjónustan SBU, greindi frá því í síðustu viku að Samoilova yrði meinaður aðgangur til Úkraínu vegna ólöglegrar ferðar hennar yfir landamærin og á Krímskaga árið 2015.

Nú hefur aðstoðarforsætisráðherra Úkraínu, Vyacheslav Kirilenko blandað sér í málið og sagt Rússa geta leyst málið með því að „senda fulltrúa í keppnina sem á ekki í vandræðum með úkraínskar reglur“.

Söngkonan Yuliya Samoilova. AFP

EBU sagðist vera „gríðarlega vonsvikin“ vegna ákvörðunar SBU og sagði mikilvægt að Samoilova myndi taka þátt til þess að halda stjórnmálum fyrir utan keppnina.

Lagi Samoilova, Flame is Burning, hafði verið spáð góðu gengi í keppninni af Eurovision-aðdáendum. Samkvæmt Eurovisionworld.com sem tekur saman spár veðbanka var laginu spáð 2. sæti á tíma en fljótlega eftir að umræða um ferð söngkonunnar á Krímskaga komst í fjölmiðla um miðjan mars fór hún að lækka og er nú laginu spáð 10. sæti.

Tengdar fréttir

Eurovision

Bashar Murad tekur þátt í Falastinvision

• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum
• „Brynjar getur sameinað alla þjóðina“

» Fleiri tengdar fréttir

• Blogga um frétt