Thom Yorke, söngvari Radiohead, skellti sér í verðskuldað frí til Miami með kærustunni sinni, ítölsku leikkonunni Dajana Roncione.
Samkvæmt frétt Daily Mail fóru skötuhjúin að stinga saman nefjum fyrir nokkrum mánuðum, en Roncione er fyrsta konan sem Yorke hefur verið orðaður við eftir hann skildi við fyrrverandi eiginkonu sína og barnsmóður, Rachel Owen.
Owen lést fyrir rúmum þremur mánuðum eftir stutta baráttu við krabbamein. Parið greindi frá sambandsslitunum árið 2015, en þá höfðu þau átt í sambandi í 23 ár. Saman áttu þau tvö börn, Noah sem er 15 ára og hina 12 ára gömlu Agnesi.