Lamar Odom er komin úr meðferð og er að skrifa sjálfsævisögu. Hann segist sjá eftir því að hafa haldið framhjá fyrrum eiginkonu sinni Khloé Kardashian.
Körfuboltakappinn segir í viðtali við Us Weekly að hann hafi haldið oft framhjá raunveruleikastjörnunni með mörgum mismunandi konum. Kardashian hafi komist að eiturlyfjanotkun hans tveimur árum áður en þau skildu.
Hann segist ekki sjá eftir að hafa samþykkt að taka þátt í raunveruleikaþáttunum Keeping up with the Kardashians enda hafi þátturinn opnað viðskiptatækifæri fyrir hann. Hann hafi hinsvegar ekki ráðið við alla þá athygli sem fylgdi þáttunum, sérstaklega aukna athygli frá kvenþjóðinni.