Hittust fyrir tilviljun á veitingastað

Jennifer Lopez mætti með börnin sín í spjallþátt til Ellen DeGeneres í gær. Að sjálfsögðu spurði spjallþáttadrottningin Lopez út í hvernig það kom til að hún fór að hitta hafnaboltaleikmanninn fyrrverandi Alex Rodriguez.

Söngkonan fór aðeins hjá sér þegar DeGeneres byrjaði að spyrja hana út í sambandið. Hún uppljóstraði því þó að lokum að það væri engin stórfengleg saga á bakvið hvernig sambandið byrjaði. Þau þekktust aðeins fyrir en svo rákust þau á hvort annað á veitingastað í Los Angeles. Eftir að þau voru búin að borða í sitthvoru lagi ákvað Lopez að byrja spjalla við Rodriguez. Seinna sendi hann henni sms og bauð henni á stefnumót. 

• Blogga um frétt