Stjörnur eiga stjörnuvini
Setja bókamerki
Þótt einhver sé frægur þýðir það ekki að hann þekki alla aðra fræga. Hins vegar eru margar Hollywood stjörnur sem eiga vini sem eru líka stjörnur. Það vita margir að Ben Affleck og Matt Damon eru góðir vinir en annar vinskapur kemur meira á óvart, Popsugar tók saman lista.
Leikkonan Blake Lively og söngkonan Taylor Swift eyddu miklum tíma saman þegar þær dvöldu í Ástalíu á sama tíma. Ekki er annað að sjá á myndinni hér að ofan en að þær hafi skemmt sér konunglega.
Tónlistarmaðurinn Ed Sheeran kynntist leikkonunni Courtney Cox í gegnum sameiginlegan vin. Seinna fékk hann síðan að gista frítt í húsi Cox á Malibu í þrjá mánuði þegar hann vann að nýrri plötu.
Leikkonan Jennifer Lawrence og söngkonan Adele eru góðar vinkonur og er Emma Stone sameiginleg vinkona þeirra.
Sacha Baron Cohen er vinur Kardashian-fjölskyldunnar. Kim Kardashian birti mynd af honum þegar hann heimsótti fjölskylduna ásamt eiginkonu sinni Islu Fisher og Courtney Cox.
Söngkonan Selena Gomez og fyrirsætan Cara Delevingne eru góðar vinkonur og hafa meðal annars farið í frí saman.
David Beckham kynntist Snoop Dogg rétt eftir að hann fluttist til Los Angles árið 2008. Rapparinn segist alltaf gefa fótboltakappanum fyrrverandi nýjustu plöturnar sínar áður en þær koma út.
Beyoncé, eiginkona Jay Z, og Gwyneth Paltrow, fyrrverandi eiginkona Chris Martin, eru góðar vinkonur og tónlistarmennirnir eru einnig góðir vinir.
Leikararnir Orlando Bloom og Justin Theroux hafa báðir mikinn áhuga á mótorhjólum og hafa þeir þannig tengst vináttuböndum.
Leikkonurnar Lena Dunham og Claire Danes ólust upp í sama hverfi en urðu ekki vinkonur fyrr en á fullorðinsárum.
Leikkonurnar Reese Witherspoon og Naomi Watts urðu góðar vinkonur eftir að Witherspoon sendi Watts bréf um hversu frábærlega hún hefði staðið sig í myndinni The Impossible.
Söngkonan Mariah Carey og leikarinn Will Ferrell eru vinir.
„Það þarf að vinna mikinn fjölda upp“
Skemmtiferðaskip hætt komið nærri Viðey
„Á réttri leið en nokkuð í land ennþá“
Verðbólgan komin niður í 6%
Tveir í bílnum sem lenti utan vegar
Vona að Orkustofnun veiti ekki virkjunarleyfi
Tapa fimm milljónum á dag