Varð fyrir fitufordómum

Kim Kardashian er í stelpufríi í Mexíkó, meðal annars með systur sinni Kourtney Kardashian. Hún svaraði fyrir sig á Twitter vegna fitufordóma sem hún varð fyrir í fríinu. 

Daily Mail greinir frá því að meira að segja hárgreiðslumeistari Kardashian og vinkonan Jen Atkin hafi sett út á hana. Raunveruleikastjarnan segir Atkin hafa reynt að fá hana til þess að hætta við að borða Oreo-sjeikinn sem hún var að fá sér og segir hana vera með fitufordóma. Kardashian setti síðan myndband af sér borða sjeik með ónotalegum skilaboðum til Atkins. 

„Oh og þið spyrjið um mig. Ég sit bara hér á ströndinni með fullkominn líkama,“ tísti Kardashian og lætur greinilega engan bilbug á sér finna þrátt fyrir að fólk skoði myndir af henni með appelsínuhúð. 

• Blogga um frétt