„Ég var einmana og leið stundum illa“

Brie Larson greinir frá því í viðtali við Vanity Fair að Emma Stone, Jennifer Lawrence, Lena Dunham og Amy Schumer hafi bjargað lífi sínu. 

Samkvæmt E! Online greinid Larson frá því að henni hefði liðið eins og hún væri að missa tökin á lífi sínu þegar hún var að kynna myndina Room sem hún vann síðan Óskarsverðalaunin fyrir. „Ég var einmana og leið stundum illa,“ sagði Larson. 

„Emma skrifaði mér fallegan tölvupóst upp úr þurru og svo sendi Jen mér SMS eftir að hún sá Room og við byrjuðum að tala saman,“ sagði leikkonan. Hún segir að þetta hafi endað með stuðningshópspjalli þar sem þær Lena Dunham og Amy Schumer bættust við hópinn. 

„Þessi hópur bjargaði lífi mínu,“ sagði Larson. „Ég gat rætt allt sem var að gerast í lífi mínu við þær og þær höfðu gengið í gegnum þetta allt áður auk þess eru þær mjög fyndnar.“ En Larson var ekki vön að eiga vini með sömu áhugamál og hún enda var hún í heimakennslu sem barn. 

• Blogga um frétt