Jökull Júlíusson, forsprakki Kaleo, var klæddur íslensku landsliðtreyjunni í knattspyrnu þegar hljómsveitin kom fram í spjallþætti James Corden í gærkvöldi.
Þátturinn, sem er sýndur á bandarísku sjónvarpsstöðinni CBS, nefnist The Late Late Show og hefur notið mikilla vinsælda.
Corden er stuðningsmaður enska landsliðsins en eins og margir muna eftir vann íslenska karlalandsliðið England í 16-liða úrslitum á EM í knattspyrnu síðasta sumar.
Hvort Jökull hafi ætlað að strá salti í sárin hjá Corden með klæðnaði sínum skal þó ósagt látið.
Kaleo flutti lagið No Good í þættinum við mjög góðar undirtektir.