Nýr tónlistarþáttur, K100 Live Lounge, hefur göngu sína í dag á K100 og hér á mbl.is.

Í þáttunum koma íslenskir tónlistarmenn í heimsókn, spjalla um það sem um er að vera hjá þeim og taka lagið. Fyrsti gesturinn er poppkóngurinn sjálfur Páll Óskar.

Hann flytur lagið sitt Einn dans í órafmagnaðri útgáfu og tekur svo með sínu nefið lagið Hvað með það? sem Daði Freyr flutti við miklar vinsældir í Söngvakeppninni í vetur.

Þættirnir verða sýndir hér á mbl.is alla fimmtudaga fram á sumar og sendir út á K100 sama dag kl 16:30.

Meðal þeirra sem staðfest hafa komu sína eru Jón Jónsson og Greta Salóme.