Missti 100 þúsund fylgjendur

Raunveruleikadrottningin Kim Kardashian vaknaði upp við vondan draum þegar hún komst að því að fjöldinn allur af aðdáendum hennar hafði snúið við henni bakinu, og hætt að fylgja henni á samfélagsmiðlum.

Samkvæmt frétt Daily Mail er ástæðan sú að myndir af stjörnunni, sem ekki höfðu verið lagfærðar í myndvinnsluforriti, fóru í birtingu. Þá er því haldið fram að appelsínuhúð stjörnunnar hafi farið fyrir brjóstið á mörgum.

Aðdáendur stjörnunnar eru margir hverjir sagðir fokvondir yfir því að stjarnan hafi átt við þær myndir sem hún birtir á samfélagsmiðlum, en fjöldinn allur hefur látið móðan mása á netinu vegna málsins.

Kim Kardashian lætur ekki deigan síga, en hún birti þessa mynd á Instagram eftir allt fjaðrafokið.

• Blogga um frétt