Þrátt fyrir að tilkynnt hafi verið um samband leikkonunnar Meghan Markle og Harry Bretaprins í nóvember síðastliðnum höfðu þau ekki mætt á opinberan viðburð saman fyrr en nú um helgina.
E! Online greinir frá því að Harry tók þátt í pólóleik um helgina og var Markle mætt á hliðarlínuna til þess að hvetja sinn mann áfram. Ekki náðust almennilegar myndir af þeim saman en einhver náði þó að taka mynd af þeim kyssast á milli bíla.
Fréttir herma að Markle muni mæta í brúðkaup Pippu Middleton, litlu systur Katrínar hertogaynju, seinna í mánuðnum en áður hafa skötuhjúin farið í brúðkaup til vinar Harrys á Jamaíka.