„Við þurfum bara að sætta okkur við það að við erum klikkað kattafólk,“ sagði Christine en hún á nokkra ketti og er búin að búa til sæta stofu handa kettlingunum sínum.
Í samtali við Thedodo sagði Christine að hún og maðurinn hennar hafi ekki ætlað að taka að sér fleiri ketti í lok árs 2015 en þá áttu þau tvo ketti. Hins vegar hafi kettlingafull læða sest að hjá þeim og því var ekki aftur snúið þegar hún gaut fimm kettlingum, en þau ákváðu að halda þremur þeirra.
Kettlingarnir fóru illa með ýmis húsgögn á heimilinu svo að Christine tók til þess ráðs að finna til húsgögn í kattarstærð sem kettlingarnir gætu notað. Einn kettlingurinn sem var svo hrifinn af sófanum í stofunni er nú kominn með sófa. Einnig er hægt að finna píanó og stofuborð í stofunni þeirra.