Salma Hayek er búin að vera gift eiginmanni sínum, François-Henri Pinault, í átta ár og hefur samband þeirra alltaf virkað traust. Hún viðurkenndi það hins vegar að hafa grunað hann um framhjáhald þegar hún heyrði kynþokkafulla rödd hljóma úr síma hans.
Röddin sem leikkonan heyrði var sem betur fer bara úr tungumálaforriti en samkvæmt Daily Mail var Pinault að æfa enska hreiminn sinn.
„Þetta var mjög kynþokkafull rödd og ég hugsaði hver djöfullinn. Hvað er þessi Elisa að reyna við manninn minn. En svo hugsaði ég láttu þetta vera,“ sagði Hayek um atvikið. „Alla vega, um þremur klukkutímum síðar öskraði ég á hann: Hver er þessi Elisa og af hverju er hún að hringja í þig?“