Leið eins og hún væri í fangelsi
Setja bókamerki
Camillia Parker-Bowles, eiginkona Karls Bretaprins, er að verða sjötug og í tilefni af því veitti hún einlægt viðtal. The Telegraph greinir frá því að þegar áreitið var sem verst hafi Camilla varla farið úr húsi.
Upp komst um ástarsamband Camillu og Karls árið 1992 en fyrir það höfðu verið sögusagnir í gangi. „Ég gat eiginlega ekki farið neitt. Þetta var hræðilegt. Þetta var mjög óþægilegur tími, ég myndi ekki vilja láta minn versta óvin ganga í gegnum þetta,“ sagði Camilla um þann tíma þegar ljósmyndarar fylgdu henni hvert fótmál.
Hún segist ekki hafa lifað þetta tímabil af ef ekki hefði verið fyrir börn sín úr fyrra hjónabandi þau Tom og Lauru og systkini sín. Camilla segist hafa eytt tíma sínum í að lesa bækur og mála á meðan börnin hennar sáu gjarnan ljósmyndara fela sig í garðinum. „Ljósmyndararnir eltu okkur um allt og lágu í leyni eins og njósnarar,“ sagði sonur hertogaynjunnar.
Camilla skildi við fyrri eiginmann sinn árið 1996, sama ár gekk skilnaður Karls Bretaprins og Díönu prinsessu líka í gegn. Karl og Camilla giftust hins vegar ekki fyrr en árið 2005.
„Mér finnst Halla Hrund svona Vigdísarleg“
Myndir: Reynir við heimsmet í Hlíðarfjalli í dag
Segir nýtt frumvarp gefa eldisfyrirtækjum auðlindir
Baldur: „Ég ætla að svara þessu kalli“
Moses Hightower og Prins Póló gefa út eyjalag
Bifreið ekið á skrifstofu Útlendingastofnunar
Myndskeið: „Fólk var komið ískyggilega nálægt“