Pamela Anderson er ekki við eina fjölina felld en nú hyggst hún opna veitingastað í 50 daga í Saint Tropez í Frakklandi. Hún hefur boðið Emmanuel Macron, forseta Frakklands, og eiginkonu hans Birgitte Macron að snæða þar.
Það er ekki einskær góðmennska sem liggur að baki boði hennar en samkvæmt The Local vonast Anderson til þess að geta fengið forsetann til að veita Julian Assange hæli, en Wikileaks-stofnandinn og Baywatch-stjarnan eru sögð eiga í ástarsambandi og er Anderson ólm í að Assange fái að leika lausum hala eftir að hafa haldið sig í sendiráði Ekvador í London í fimm ár.
Á heimasíðu sinni lýsir Anderson veitingastaðnum sem kynþokkafullum og 100 prósent vegan.