Fimm daga tónlistarhátíðin Glastonbury hófst í dag með prýði þar sem hljómsveitirnar Radiohead og Foo Fighters ásamt tónlistarmanninum Ed Sheeran stíga meðal annars á svið.
Búist er við að um 175.000 gestir mæti á tónlistarhátíðina en hún er haldin í Glastonbury sem er í suðvesturhluta Englands. Skipuleggjendur tónlistarhátíðarinnar hafa varað gesti við lengri röðum en síðustu ár vegna aukinnar öryggisgæslu á hátíðinni eftir hryðjuverkaárásina í Manchester í maí.
Tónlistaratriðunum er skipt á milli sjö sviða en þau byrja ekki fyrr en á föstudag. Þrátt fyrir það voru margir sem mættu snemma í dag til að tryggja sér besta tjaldstæðið.
Hátíðin er haldin á 13,5 ferkílómetra lóð þar sem var upprunalega bóndabær.
Fyrrverandi gestir tónlistarhátíðarinnar hafa lýst upplifuninni eins og að koma til annars lands þar sem reglurnar eru öðruvísi og allt má.
Miði á hátíðina fyrir dagana fimm er á um 35 þúsund krónur.
#Glastonbury2017 gates are open!
A post shared by Glastonbury Festival (@glastofest) on Jun 21, 2017 at 12:14am PDT