Á snekkju í Cannes

Leikkonan Gwyneth Paltrow og söngvarinn Chris Martin sáust saman á snekkju í Cannes á þriðjudag en hjónin skildu árið 2014 eftir 11 ára hjónaband.

Með hjónunum var 11 ára sonur þeirra Moses sem eyddi mestum tíma að leika sér í sjónum með pabba sínum á meðan Paltrow baðaði sig í sólinni. 

Að sögn sjónarvotta virtust Paltrow og Martin hamingjusöm saman með stráknum sínum en saman eiga þau einnig dótturina Apple sem er 13 ára gömul. 

Nýlega sagði Paltrow í viðtali við The Edit að skilnaðurinn við Martin hafi verið það erfiðasta sem hún hefur gert. 

Leikkonan Gwyneth Paltrow og sonur hennar Moses Martin. Ljósmynd/Twitter

• Blogga um frétt