23 ára erfingi kristalsveldisins Victoria Swarovski gekk að eiga fjárfestinn Werner Mürz í norðausturhluta Ítalíu um helgina. Brúðurin klæddist 46 kílógramma kjól skreyttum 500.000 Swarovski-kristöllum, pallíettum og blómum.
100 milljóna króna kjóllinn var hannaður af sjálfri brúðinni með hjálp hönnuðar frá Dubai að nafni Michael Cinco. Cinco hefur áður hannað flíkur fyrir stórstjörnur eins og Beyoncé, Rihönnu og Lady Gaga.
Brúðurin gekk að altarinu í hvítum Jimmy Choo-skóm og á eftir henni dróst sex metra slör.
Eftir athöfnina buðu nýbökuðu hjónin upp á glæsilega fimm laga tertu á meðan stórkostleg flugeldasýning prýddi himininn.
Ásamt því að vera þekkt fyrir fjölskyldukristallana starfar Swarovski sem söngkona í heimalandi sínu Austurríki en hún skrifaði undir samning við plötufyrirtækið Sony þegar hún var 17 ára gömul.
A post shared by Victoria Swarovski💎 (@victoriaswarovski) on Jun 21, 2017 at 3:15am PDT
A post shared by MICHAEL CINCO Dubai (@michael5inco) on Jun 19, 2017 at 9:52am PDT