Angelina Jolie var stödd í Kenía á þriðjudaginn en þá var alþjóðlegur dagur flóttamanna. Jolie ræddi meðal annars um kynferðisofbeldi og heimsótti ungar stúlkur á flótta.
Stúlkurnar sem Jolie hitti höfðu meðal annars flúið slæmt ástand í Kongó, Suður-Súdan og Sómalíu. Næstum því allar höfðu upplifað kynferðislegt ofbeldi og margar höfðu fætt börn eða voru óléttar eftir að hafa verið nauðgað.
Daily Mail greinir frá því að Jolie hafi ávarpað starfsfólk alþjóðlegrar friðargæsluþjálfunarmiðstöðvar þar sem hún lagði áherslu á að fólk í einkennisbúningum þyrfti að sýna gott fordæmi.
Öll sex börn Jolie flugu með leikkonunni frá Los Angeles á laugardaginn, einum degi fyrir feðradaginn, og nýtti Brad Pitt, fyrrverandi eiginmaður leikkonunnar, því tímann og hitti börnin áður en þau fóru.