Söngkonan Mariah Carey var klippt út úr nýjustu mynd Will Ferrell og Amy Poehler fyrir yfirgengilega dívustæla í tökum.
Carey átti að fara með lítið hlutverk í bíómyndinni Húsið (e. The House) þar sem Ferrell fer með aðalhlutverk myndarinnar ásamt því að vera aðalframleiðandinn.
Ferrell sagði frá þessu í spjallþætti Seth Meyers en fór ekki náið út í smáatriðin.
Annar leikari bíómyndarinnar, Cedric Yarbrough, sagði í Facebook-færslu sinni að Carey hefði mætt allt of seint á tökustað og látið starfsmenn myndarinnar bíða í fjóra klukkutíma af því að hún neitaði að leika atriðið eins og það var skrifað í handritinu.
Einnig hefði hún óskað eftir stórri viftu til að blása hári sínu og að myndavélin myndaði hana aðeins að ofanverðu. Yarbrough sagði að hegðun hennar gegn starfsfólki myndarinnar hefði verið á mörkunum að vera ofbeldisfull. Hann endaði færsluna á því að fullyrða að hann væri að sleppa að segja frá því versta.
Þetta er er ekki í fyrsta skipti sem söngkonan hefur verið ásökuð um mikla dívustæla.
After a long day at a secret studio 😉
A post shared by Mariah Carey (@mariahcarey) on May 20, 2017 at 11:13pm PDT