Susan Boyle, söngkonan sem skaust upp á stjörnuhimininn í hæfileikaþættinum Britain's Got Talent, er fórnarlamb stöðugs áreitis og ógnana.
Í frétt Telegraph um málið segir að hópur allt að fimmtán ára ungmenna leggi Boyle í einelti í heimabæ hennar, Blackburn. Í einu tilviki kveiktu ungmennin í pappír og köstuðu að henni
Talsmaður söngkonunnar segir í frétt Telegraph að til standi nú að hafa samband við lögregluna og fá hana til að rannsaka málið. Boyle er með Asperger-heilkenni sem þýðir að hún getur átt erfiðara uppdráttar í félagslegum samskiptum en aðrir.
Vitni að árásinni segir að í eitt sinn hafi Boyle setið í strætisvagni er hópurinn sótti að henni, kastaði í hana steinum og æpti á hana. „Í öðru tilviki voru þeir 10-15 saman og umkringdu hana. Þeir kveiktu í pappír og hentu að andliti hennar.“
Vitnið segir að ungmennin hafi gert hróp að henni og m.a. sagt: „Af hverju færðu þér ekki gleraugu þú ljóta gamla tæfa?“
Boyle hafnaði í öðru sæti Britain's got Talent árið 2009. Hún keypti þá æskuheimili sitt og býr nú þar.