Knattspyrnustjarnan Cristiano Ronaldo á von á barni með kærustu sinni Georginu Rodriquez. Þetta staðfesti hann við blaðið El Mundo en sögur um óléttu Rodriquez hafa verið uppi í þó nokkurn tíma.
„Já, mjög,“ svaraði Ronaldo þegar hann var spurður að því hvort að hann væri ánægður með barnið.
Þetta mun vera fjórða barn Ronaldo en hann á soninn Ronaldo yngri og tvíbura sem fæddust fyrir stuttu. En móðerni Ronaldo yngri og tvíburanna Mateo og Eva er á huldu. Þetta er því í fyrsta skipti sem Ronaldo eignast barn með kærustu sinni.