Bandaríska fyrirsætan og leikkonan Christie Brinkley sat fyrir á forsíðu Social Life, bæði í sundfötum og í engu, en hún er 63 ára gömul.
Brinkley sýnir það og sannar að aldur er bara tala og lítur stórkostlega út á myndum tímaritsins.
Í viðtali við tímaritið talar Brinkley um ást sína á dýrum og plön hennar fyrir framtíðina.
„Ég vil keyra um Bandaríkin og sigla um Grikkland," sagði hún. „Ég vil sjá norðurljósin og jöklana áður en þeir bráðna. Ég vil tala reiprennandi ítölsku og læra að dansa hip hop."
Þegar hún er spurð hvernig hún haldi sér svona unglegri segir hún að jákvæðni hafi mikið að gera með það. Hún bætir við að krakkarnir hennar, hundarnir hennar, sjónvarpsþættirnir Saturday Night Live og Stephen Colbert, og þegar hún reynir að dansa séu það sem láta hana hlægja alla daga og halda henni þess vegna unglegri.