Leonardo DiCaprio mun fljúga með venjulegu flugfélagi en ekki á einkaflugvél til St. Tropez til að vera viðstaddur galakvöld á vegum góðgerðarstofnunar sinnar, en leikarinn er þekktur fyrir að vera mikill umhverfisverndarsinni.
Það er þó ansi líklegt að DiCaprio kaupi sér sæti á fyrsta farrými enda stjörnur eins og hann vanar að fljúga á einkaflugvél. Í fyrra var leikarinn harðlega gagnrýndur fyrir að fljúga fram og til baka um heiminn á einkaflugvél enda flugvélar afar mengandi. En batnandi mönnum er best að lifa og DiCaprio hefur bætt ráð sitt.