Kvikmyndaleikkonan Jennifer Lawrence býður aðdáendum sínum tækifæri á því að fara með henni í vínsmökkun svo framarlega sem þau gefi peninga til góðgerðamála.
Lawrence er í slagtogi við fjáröflunarvefsíðuna Omaze þar sem þau styðja Represent.Us sem vinnur að því að berjast gegn spillingu í ríkisstjórn Bandaríkjanna.
„Það skiptir ekki máli hvort þú sért hægri eða vinstri sinnaður,“ sagði Lawernce í viðtali við Vogue. „Þetta snýst aðeins um það að koma spillingu úr pólitík og að frelsa lýðræðið okkar.“
Herferð leikkonunnar byrjaði í þessari viku og býður hverjum sem að gefur pening til þessa málefnis tækifæri til þess að eyða deginum með Lawrence í vínekrum Kaliforníu.
Vinningshafinn fær flug fyrir tvo Kaliforníu og gistingu á lúxushóteli þar sem deginum verður eytt að drekka vín með Lawrence allan daginn. Ef vinningshafinn er undir lögaldri þá verða óáfengir drykkir í boði. Hægt er að styrkja málefnið og í leið komast í pottinn hér.
Hér má sjá skemmtilegt kynningarmyndband sem leikkonan gerði fyrir þessa herferð: