„Ég hélt einu sinni að það væri brjálæði að vera algjörlega edrú, en nú skil ég það. Ég vil ekki verða þessi manneskja, ég verð að laga sjálfa mig,“ sagði fyrirsætan.
Ofurfyrirsætan Chrissy Teigen opnaði sig í viðtali við Cosmopolitan um áfengisneyslu sína. Hún segir meðal annars í viðtalinu að hún hafi aldrei getað fengið sér bara einn drykk.
Í síðasta mánuði fór Teigen í heilsusamlegt frí til Balí og þá áttaði hún sig á hversu mikið hún drakk. „Ég drakk bara of mikið,“ sagði Teigen. Hún greinir frá því að hún hafi drukkið mikið og gert sjálfa sig að hálfgerðu fífli fyrir framan fólk sem hún metur mikils. Hún segir einnig það sé erfitt að drekka ekki í Los Angeles þar sem áfengisneysla fylgir lífstíl þeirra ríku og frægu.
Teigen viðurkenndi í viðtalinu að það séu dæmi um áfengismisnotkun í fjölskyldu hennar, hins vegar hafi hún ekki áttað á vandamáli sínu fyrr en nú. „Enginn minntist á það við mig. Fólk gerði bara ráð fyrir að það væri í lagi af því ég var góð morguninn eftir. Í hjarta mínu vissi ég að þetta væri ekki rétt.“
„Ég hélt einu sinni að það væri brjálæði að vera algjörlega edrú, en nú skil ég það. Ég vil ekki verða þessi manneskja, ég verð að laga sjálfa mig,“ sagði fyrirsætan.