Nektarmyndir af fjölmörgum stjörnum birtust á netinu en talið er að óprúttnir aðilar hafi hakkað síma þeirra.
Samkvæmt fréttaveitunni TMZ birtust nektarmyndir af golfaranum Tiger Woods og fyrrverandi kærustu hans, skíðadrottningunni Lindsey Vonn. Samkvæmt heimildarmanni TMZ var brotist inn í síma Vonn en Woods sendi henni nektarsjálfsmynd af sér þegar þau voru enn saman.
Einnig birtust myndir af söngkonunni Miley Cyrus, leikkonunni Kristen Stewart og kærustu hennar, fyrirsætunni Stellu Maxwell.
Tiger Woods er nú þegar kominn með lögfræðing í málið en lögfræðingur hans hefur hótað vefsíðunni lögsókn ef myndirnar verða ekki fjarlægðar.