Sænska Youtube-stjarnan PewDiePie var staddur á Íslandi nýlega og birti hann myndband úr ferðinni í gær, þriðjudag. Þegar fréttin er skrifuð hafa tæplega þrjár milljónir horft á myndbandið.
PewDiePie heitir réttu nafni Felix Arvid Ulf Kjellberg og er hann með 57 milljónir fylgjenda á Youtube og hefur hann verið tekjuhæsta Youtube-stjarna heims. Hann var hins vegar ásakaður um gyðingahatur og sleit meðal annars Disney öll tengsl sín við hann.
Kjallberg kom hingað með kærustunni sinni Marxiu Bisognin sem einnig er Youtube-stjarna. Kjallberg segir að þau hafi lengi langað að koma til Íslands en ákváðu að koma hingað til þess að fagna sex ára sambandsafmæli sínu. „Loksins gerðum við það og það var frábært,“ skrifaði Youtube-stjarnan undir myndbandið.