Fyrrverandi forseti Bandaríkjanna Barack Obama og eiginkona hans Michelle Obama voru á háskólasvæði Harvard-háskóla á mánudaginn en elsta dóttir þeirra, Malia Obama, er að hefja nám við skólann.
People greinir frá því að Malia flutti inn á háskólalóðina á mánudaginn og hafa foreldrar hennar eflaust hjálpað henni við flutningana.
Malia sem er 19 ára tók sér árs hlé fyrir háskóla og var hún meðal annars starfsnemi hjá kvikmyndaframleiðslufyrirtækinu Weinstein Co. En hún er sögð hafa áhuga á að starfa bak við tjöldin í kvikmyndageiranum.