Karl Fil­ipp­us Svíaprins og Sofia prinsessa, eiginkona hans, eignuðust dreng í gær, fimmtudag. Í tilkynningu frá sænsku krúnunni kemur fram að bæði móður og syni heilsast vel. 

Karl Fillipus sem er 38 ára og Sofia sem er 32 ára eiga fyrir soninn Alexander sem varð eins árs í apríl. Hjónin gengu í það heilaga í júní 2015. 

Það verður því kátt á hjalla í höllinni í Stokkhólmi á næstu árum en yngri systir Karls Fillippusar, Magdalena, tilkynnti það á dögunum að hún ætti von á sínu þriðja barni. Viktoría krónprinsessa og Daníel eiginmaður hennar eiga síðan fimm ára stelpu og eins árs gamlan son.