Það voru ekki bara áhugamenn um kóngafólk sem tóku við sér í gær, mánudag, þegar fréttir bárust af óléttu Katrínar hertogaynju. Knattspyrnuáhugamenn voru ekki lengi að koma með samsæriskenningu. 

Á Twitter birtust mörg tíst þess efnis að Vilhjálmur hafi planað óléttuna út frá HM í knattspyrnu karla sem fram fer næsta sumar. Er hann sagður hafa planað þetta þannig að hann geti farið í tveggja vikna fæðingarorlof meðan á mótinu stendur. 

Þó svo að kenningin sé skemmtileg verður það þó að teljast ólíklegt að hertogahjónin hafi verið með þetta í huga. Þó svo það sé ekki vitað hversu langt hertogaynjan er gengin með þriðja barn þeirra er talið líklegt að hún sé komin það langt að prinsinn verður ekki í fæðingarorlofi um mitt sumar á næsta ári, nema hann náttúrulega fresti fæðingarorlofinu um einhverjar vikur.

Heimsmeistaramótið í knattspyrnu karla fer fram í Rússlandi á næsta ári frá 14. júní til 15. júlí. 

Tengdar fréttir

Kóngafólk í fjölmiðlum

Lúðvík prins fagnar sex árum

• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax

» Fleiri tengdar fréttir

• Blogga um frétt